គូម៉ាម៉ូតូ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានធ្វើដំណើរចាកចេញពីទីក្រុងគូម៉ាម៉ូតូនៃប្រទេសជប៉ុនហើយ នៅព្រឹកថ្ងៃទី២៤ ខែមេសា ឆ្នាំ២០២២នេះ ដើម្បីត្រឡប់មកកាន់ប្រទេសកម្ពុជាវិញ។
សម្ដេចតេជោបានផុសនៅលើហ្វេសបុកផេករបស់សម្ដេចនៅម៉ោងប្រមាណ ៦ព្រឹកនេះ។
គូរបញ្ជាក់ផងដែរថា សម្ដេចតេជោ មានវត្តមាននៅប្រទេសជប៉ុនចាប់ពីថ្ងៃទី២២ រហូតដល់ថ្ងៃទី២៤ ខែមេសានេះ ដើម្បីចូលរួមក្នុងកិច្ចប្រជុំកំពូលស្ដីពីបញ្ហាទឹកនៅតំបន់អាស៊ីប៉ាស៊ីហ្វិកលើកទី៤។
ក្នុងកិច្ចប្រជុំនោះផងដែរ សម្ដេចតេជោ បានឡើងថ្លែងសន្ទរកថា ដោយបានកត់សម្គាល់ថា «ការគ្រប់គ្រងធនធានទឹកនៅពេលបច្ចុប្បន្ននិងកំណត់អំពីគុណភាពជីវិតរបស់យើងនឹងកូនចៅយើងនៅពេលអនាគត»។
ក្រៅពីឡើងថ្លែងសន្ទរកថាសម្ដេចក៏មានជួបពិភាក្សាការងារជាមួយនឹងនាយករដ្ឋមន្ត្រីឡាវ នាយករដ្ឋមន្ត្រីជប៉ុន ក្រុមហ៊ុនវិនិយោគជប៉ុន ដែលទទួលបាននូវលទ្ធផលគួរឲ្យកត់សម្គាល់ជាច្រើន។
តាមគម្រោង សម្ដេចតេជោ អាចធ្វើដំណើរមកដល់ព្រលានយន្តហោះអន្តរជាតិភ្នំពេញនៅម៉ោងប្រមាណ ១រសៀលថ្ងៃទី២៤ ខែមេសានេះ៕
